அரைக்கீரை சூப்

 

தேவையான பொருட்கள்

அரைக்கீரை - 1 கப்

பெரிய வெங்காயம் - 1

பயத்தம் பருப்பு - 1/4 கப்

வெண்ணெய் - 1 டேபிள்ஸ்பூன்

பூண்டு - 2 பற்கள்

சீரகப்பொடி - 1/2  டீஸ்பூன்

தக்காளிப்பழம் - 1

தண்ணீர் - 500 மி.லி

எலுமிச்சம்பழச்சாறு - 2  டீஸ்பூன்

உப்பு, மிளகுத்தூள் - தேவையான அளவு

செய்முறை

பூண்டு, பெரிய வெங்காயம், தக்காளி, அரைக்கீரை முதலியவற்றை பொடியாக நறுக்கிக் கொள்ளவும். தண்ணீர் விட்டு பயத்தம் பருப்பை நன்றாக குழைய வேகவைத்து வடிகட்டிக் கொள்ளவும். வெங்காயத்தையும், பூண்டையும் நெய் விட்டு வதக்கிக் கொள்ளவும். அதில் சீரகப் பொடி, நறுக்கிய தக்காளிப்பழம் ஆகியவற்றை சேர்த்துக் கொள்ளவும். அத்துடன் கீரையையும் சேர்த்து கொதிக்க விடவும். கீரை வெந்ததும் அதில் உப்பு, மிளகுத்தூள் ஆகியவற்றைச் சேர்த்து கொதிக்க வைக்கவும். பிறகு எலுமிச்சம் பழச்சாற்றை சேர்த்து பரிமாறவும்.

Related posts:

வெந்தயக்கீரை சூப்

 

தேவையான பொருட்கள்

வெந்தயக்கீரை - 1 கட்டு

தக்காளிப்பழம் - 1

வெங்காயம் – 1

பச்சை மிளகாய் - 1

பால் - 100 மி.லி

சோள மாவு - 1 டேபிள்ஸ்பூன்

மிளகு - 1  டீஸ்பூன்

நெய் - 1 டேபிள்ஸ்பூன்

உப்பு - தேவையான அளவு

செய்முறை

கீரையைச் சுத்தம் செய்து பொடியாக நறுக்கிக் கொள்ளவும். வெங்காயத்தைப் பொடியாகவும், பச்சை மிளகாயை நீளமாகவும் அரிந்து கொள்ளவும். பிறகு பாத்திரத்தை அடுப்பில் வைத்து நெய் விட்டு அது நன்கு காய்ந்ததும், வெங்காயம், பச்சை மிளகாயைப் போட்டு வதக்கிக் கொள்ளவும். வதங்கியதும் மாவைப் போட்டு வதக்கி தேவையான அளவு தண்ணீர் விடவும். தண்ணீர் சூடாகியதும் கீரையைப் போடவும். எல்லாம் வெந்து கரைந்ததும் அதில் பாலைச் சேர்க்கவும். மிளகுப்பொடி, உப்பு சேர்த்து, 5 நிமிடம் அடுப்பில் வைத்து பரிமாறவும்.

Related posts:

ஹெர்பல் சூப்

 

தேவையான பொருட்கள்

துளசி - ஒரு கைப்பிடி

புதினா - ஒரு கைப்பிடி

மல்லித்தழை - ஒரு கைப்பிடி

வெற்றிலை - 2

கற்பூரவல்லி - 2 இலை

பெரிய வெங்காயம் - 1

மிளகுத்தூள் - அரை டீஸ்பூன்

எலுமிச்சம்பழச்சாறு - ஒரு டேபிள்ஸ்பூன்

உப்பு - சுவைக்கேற்ப

நெய் - 2 டீஸ்பூன்

செய்முறை

எல்லா இலைகளையும் சுத்தம் செய்துகொள்ளுங்கள். வெங்காயத்தைப் பொடியாக நறுககுங்கள். நெய்யைக் காயவைத்து வெங்காயம் சேர்த்து 5 நிமிடம் வதக்கி, பிறகு, இலைகளை சேர்க்க வேண்டும். இவற்றையும் சற்று நன்கு வதக்கி 3 கப் தண்ணீர் சேர்த்து, மிளகுத்தூள், உப்பு சேர்த்து நடுத்தரத் தீயில் 10 நிமிடம் கொதிக்க விட்டு, இலைகளை தனியே எடுத்து அரைத்து மீண்டும் வேகவைத்த தண்ணீரில் சேர்த்து கலந்து வடிகட்டுங்கள், நன்கு சூடாக்கி, எலுமிச்சம்பழச்சாறு சேர்த்து பரிமாறுங்க

 

தேவையான பொருட்கள்

துளசி - ஒரு கைப்பிடி

புதினா - ஒரு கைப்பிடி

மல்லித்தழை - ஒரு கைப்பிடி

வெற்றிலை - 2

கற்பூரவல்லி - 2 இலை

பெரிய வெங்காயம் - 1

மிளகுத்தூள் - அரை டீஸ்பூன்

எலுமிச்சம்பழச்சாறு - ஒரு டேபிள்ஸ்பூன்

உப்பு - சுவைக்கேற்ப

நெய் - 2 டீஸ்பூன்

செய்முறை

எல்லா இலைகளையும் சுத்தம் செய்துகொள்ளுங்கள். வெங்காயத்தைப் பொடியாக நறுககுங்கள். நெய்யைக் காயவைத்து வெங்காயம் சேர்த்து 5 நிமிடம் வதக்கி, பிறகு, இலைகளை சேர்க்க வேண்டும். இவற்றையும் சற்று நன்கு வதக்கி 3 கப் தண்ணீர் சேர்த்து, மிளகுத்தூள், உப்பு சேர்த்து நடுத்தரத் தீயில் 10 நிமிடம் கொதிக்க விட்டு, இலைகளை தனியே எடுத்து அரைத்து மீண்டும் வேகவைத்த தண்ணீரில் சேர்த்து கலந்து வடிகட்டுங்கள், நன்கு சூடாக்கி, எலுமிச்சம்பழச்சாறு சேர்த்து பரிமாறுங்க

புதினா சூப்

 

தேவையான பொருட்கள்

புதினா - 1 கப்

தக்காளிப் பழம் - 1

முட்டை கோஸ் - 100 கிராம்

கார்ன் ப்ளார் - 2 டீஸ்பூன்

பூண்டு - 4 பற்கள்

பெரிய வெங்காயம் - 1

இஞ்சி - ஒரு சிறு துண்டு

வெண்ணெய் - 3 டீஸ்பூன்

பால் - 100 மி.லி

உப்பு, மிளகுத்தூள் - தேவையான அளவு

செய்முறை

புதினா, தக்காளி, கோஸ், வெங்காயம் ஆகியவற்றை நறுக்கி வைத்துக் கொள்ளவும். வெண்ணெய்யை உருக்கி வெங்காயம், இஞ்சி, நான்கு பற்கள் பூண்டு ஆகியவற்றைச் சேர்த்து நன்கு வதக்கவும். கோஸையும் ஒரு நிமிடம் வதக்கவும். மாவையும் உடன் சேர்த்து வதக்கவும். பிறகு எல்லாவற்றையும் சேர்த்து தண்ணீர் ஊற்றி பிரஷர் குக்கரில் வேக வைக்கவும். பிறகு சூப்பை உப்பு மிளகுத்தூள் சேர்த்து ஐந்து நிமிடம் கொதிக்க விட்டு பால் சேர்த்து பரிமாறவும்.

Related posts:

பச்சைப்பட்டாணி சூப்

 

தேவையான பொருட்கள்

தோல் உரித்த பச்சைப் பட்டாணி - 200 கிராம்

சூடான பால் - 100 மி.லி

கிரீம் - 50 கிராம்

உப்பு, மிளகுத்தூள் - தேவையானவை

செய்முறை

பச்சைப் பட்டாணியைத் தேவையான தண்ணீர் சேர்த்து பிரஷர் குக்கரில் வேக  வைத்துக் கொள்ளவும். வெந்த பச்சைப் பட்டாணியை மிக்ஸியில் அரைத்து வடிகட்டி எடுத்து அதனுடன் பால் சேர்த்து மீண்டும் சூடாக்கிக் கொள்ளவும். உப்பு, மிளகுத்தூள் சேர்த்து பரிமாறும் முன் கிரீம் சேர்த்துக் ஆறும் முன் பரிமாறவும்.

Related posts:

அவரைக்காய் சூப்

 

தேவையான பொருட்கள்

அவரைக்காய் - 100 கிராம்

தக்காளி - 1

தண்ணீர் - 300 மி.லி

வெண்ணெய் - 1 டேபிள்ஸ்பூன்

கேரட் - 1

வெங்காயம் - 1

கார்ன் ப்ளார் - 1 டீஸ்பூன்

எலுமிச்சைச் சாறு - 1 டீஸ்பூன்

மிளகுத்தூள், உப்பு - தேவையான அளவு

செய்முறை

அவரைக்காய், கேரட் ஆகியவற்றைப் பொடியாக நறுக்கிக் கொள்ளவும். வெங்காயத்தையும் பொடியாக நறுக்கிக் கொள்ளவும். அடுப்பில் வாணலியை வைக்கவும், சூடானவுடன் வெண்ணெய் விட்டு நறுக்கிய அவரைக்காய், காரட், வெங்காயத்தை மிதமான சூட்டில் வதக்கிக் கொள்ளவும். கார்ன் ப்ளார் தவிர்த்து எல்லாப் பொருட்களையும் சேர்த்து தண்ணீர் விட்டு அரைமணி நேரம் அடுப்பில் வேக வைக்கவும். காய்கள் நன்றாக வெந்ததும் கார்ன் ப்ளாரை தண்ணீர் விட்டுக் கரைத்து அடுப்பிலுள்ள சூப்போடு சேர்க்கவும். சூப் சிறிது கெட்டியானவுடன் மிளகுத்தூள் தூவி பரிமாறவும்.

Related posts:

http://samayal.chettinadrecipes.com/மிளகுத் தண்ணி சூப்

மிளகுத் தண்ணி சூப்

 

தேவையான பொருட்கள்

மட்டன் – 1/2 கிலோ

ஸ்டாக் வாட்டர் - 250 மி.லி.

மல்லிப் பொடி - 2 டீஸ்பூன்

தக்காளி – 2

இஞ்சி – 1 இன்ச்

மஞ்சள் பொடி - 1/4 டீஸ்பூன்

சீரகப் பொடி – 1/4 டீஸ்பூன்

பட்டை – 1 துண்டு

கறிவேப்பிலை - சிறிது

உப்பு, எண்ணெய் - தேவையான அளவு

வெந்தயம் – 5

வெங்காயம் – 1

தேங்காய்ப்பால் - 1 கப்

எலுமிச்சம் ஜுஸ் - 1 டீஸ்பூன்

அன்னாசிப் பூ - சிறிது

மிளகுத்தூள் – தேவையான அளவு

செய்முறை

தக்காளி, வெங்காயத்தை பொடிப்பொடியாக நறுக்கவும். இஞ்சியை தோல் சீவி துருவிக் கொள்ளவும். மட்டனுடன், மல்லிப் பொடி, தக்காளி, இஞ்சி, மஞ்சள், சீரகம், பட்டை, கறிவேப்பிலை, உப்பு போட்டு 4 கப் தண்ணீர் ஊற்றி குக்கரில் வேக விடவும். வெந்தவுடன் வடிகட்டி அந்த ஸ்டாக்கை எடுத்துக் கொள்ளவும். பட்டையையும், ஒரு அடிகனமான பாத்திரத்தில் எண்ணெயை சூடாக்கி அதில் வெந்தயம் போட்டு பொரிந்தவுடன் வெங்காயத்தைப் போட்டு வதக்கவும். வெங்காயம் நன்கு வதங்கியவுடன் வேக வைத்த மட்டன், வடிகட்டி வைத்துள்ள ஸ்டாக், தேங்காய்ப் பால், மிளகுப்பொடி போட்டு குறைந்த தீயில் 5 நிமிடம் கொதிக்க விடவும். கடைசியாக அன்னாசிப் பூ பொடி, எலுமிச்சம் ஜுஸ் சேர்த்து சூடாகப் பரிமாறவும்.

Related posts: