மணத்தக்காளி சூப்

தேவையான பொருட்கள்

மணத்தக்காளி கீரை - 2 கப்

பெரிய வெங்காயம் - 1

பூண்டு - 3 பல்

தேங்காய்ப்பால் - 1 கப்

உப்பு - சுவைக்கேற்ப

மிளகுத்தூள் - சிறிதளவு

எண்ணெய் - 1 டேபிள்ஸ்பூன்

செய்முறை

கீரையை ஆய்ந்து சுத்தம் செய்யுங்கள் வெங்காயம் பூண்டு தோலுரித்து பொடியாக நறுக்குங்கள். குக்கரில் எண்ணெயைக் காயவைத்து பூண்டு, வெங்காயம் சேர்த்து சிறிது வதக்கி, பிறகு கீரையையும் சேர்த்து மேலும் 2 நிமிடம் வதக்கி, 2 கப் தண்ணீர், உப்பு சேர்த்து குக்கரை மூடி ஒரு விசில் வைத்து இறக்குங்கள். ஒரு நிமிடம் கழித்து, குக்கரை திறந்து மிளகுத்தூள், தேங்காய்ப்பால் சேர்த்துக்கலந்து பரிமாறுங்கள்.